بداية أنا مع كل تظاهر واعتصام منذ 25 يناير إلى الآن سواء بالمشاركة الفعلية أو بالتضامن المعنوي، ذلك أنها كلها حق ودعت إلى حق بصرف النظر عن مدى ذكائها السياسي أو حنكتها التخطيطية.
أنا مع حق التعبير، بس شايف ان اعتصام العباسية كان حفرة احنا بننجر ليها زي ما حصل قبل كده، لكن أنا رأيي من بعد محمد محمود ومديرية الأمن -وده كان آخر مرة نزلت فيها- يتمثل في الآتي:
1- أغلبية الشعب إما جاهل أو فاسد؛
جاهل أنه لا يعرف الحق من الباطل ولا يميز الخبيث من الطيب فيحمل الثوار فوق طاقتهم (يعني شفنا ايه من الثورة، والفوضى الأمنية، وولعتوا البلد، وهتهدوا الجيش، ... الخ) وكأنهم مسؤلون عن كل ما يحدث ويتركون المسؤلين الحقيقيين والجناة لا يلقون عليهم لوما ً بل ربما يمتحدون طغيانهم.
أو فاسد لأنه يعلم الحق والباطل ويقف مع الباطل طوعا.
وهنا تجدر الاشارة إلى متلازمة ستوكهولم والطبيعة الماسوشية بصفة عامة.
2- إن الأغلبية الكاسحة من الشعب -على اختلاف مستوياتهم العلمية والاجتماعية- مش فاهمين إن التحرر الحقيقي هو تحرر الدولة من حكم المؤسسة العسكرية، بمعنى أن تكون وزارة الدفاع زيها زي الصحة مثلا، وليس لها أي ميزات زيادة، ولا يتم عسكرة الوظائف المدنية، بمعنى اني ماشفش محافظ لواء كما يحدث على سبيل المثال، بهذا تتقدم الدول.
3- إحداث تغيير جذري وراديكالي -أو حتى قوي- يتم بالثوار فقط -وهم عدد لا بأس به- ضرب من ضروب المستحيل، لأنه طالما إن المجتمع غير متوافق على مثل هذا التغيير؛ فلن يحدث، بمعنى انه ممكن يحدث لو معظم الناس مقتنعة بيه حتى لو لم تشارك -زي ما حصل قبل تنحي مبارك- لكن لما ناس عايزة تعيش عبيد وشايفة إن قتل الناس في الشوارع جهارا نهارا على قارعة الطريق عادي (وتيجي تقوله ماينفعش يقولك انت لو ظابط وعساكرك بيتضربوا هتعمل ايه؟؟ ناهيك عن انها تمثيلية يعني هما هما اللي بيضربوا والجيش واحد في الأصل لكن على قلوب أقفالها) يبقى ازاي أنا أو غيري هيخليهم بني آدمين يقدرون قيمة النفس والحرية ؟!
4- الموقف الأخلاقي من التضامن وانكار الباطل أصلا مش موجود عند معظم الناس (يعني تلاقي اللي بيقولك الجيش المفروض يقتل كل دول !!) فلازم أصلا إعادة تدوير لهؤلاء كي يصبحوا بشرا ً، وده مش ذنبهم بالأساس على فكرة، هما مشاركين في الذنب آه لأنهم لازم يتعلموا، لكنه الذنب الأعظم ذنب ولاد الوسخة اللي عيشونا في غابة من الخمسينيات لحد دلوقتي.
5- كل من نزل إلى الشارع وعرض نفسه للخطر من أجل غد أفضل لكل شركاءه في الوطن (بما فيهم من يقومون برضبه واعتقاله) هو إنسان نبيل، حتى وإن خالفني في رأيي أو في معتقدي، إذ أنه لم يتكاسل ويقل نفسي نفسي وإنما خرج من أجل الكل.
6- أقول للمذكور في رقم 5 .. ربنا يحميك(ي)، لكن احنا بننحت في صخر والرهان على إن الناس هتحس وتفهم وتقوم كرجل واحد ده مش وقته والله، دول عايزيين سنين ضوئية من التعليم عشان يوصلوا للإنسان في أبسط صوره؛ وبرغم إن مصر كوطن تستاهل إننا نضحي عشانها. لكن دول ولاد ميتين كلب ميستاهلوش حاجة خالص، هنزل عشانهم وبعدين ملاقيش حد يقف جنبي ولا حتى بكلمة طيبة بل بالعكس هلاقيهم فرحانين فيا وبيحرضوا عليا كمان !!! ده ايه ولاد العرص دول ؟!
دي مش ماسوشية .. دي ملوخية !!
7- كلها كام يوم وييجي دين أم المعاد اللي بيقولوا انهم هيسلموا السلطة فيه، وديني لو ما حصل ليهبقى فيه تنظيمات مسلحة ضد ولاد الوسخة بداية من المجلس العسكري مرورا بالاعلاميين نهاية برجال الأعمال.
